十大武林絕學，你最想學邊3個？

～蛇仔～

九陰真經,唔洗問啦,連隻GAME都用呢個名,睇過小說都知有幾勁...有九陰白骨爪等招式...
九陽真經,同九陰真經相輔相成,有佢入十大都好正常~練成後有九陽真氣護體,刀槍不入,水火不侵~
易筋經,少林秘寶~
小說情節入面係講易筋經可以化腐朽為神奇,將平平無奇既武功招式都可以變到好勁~
神照經,同以上三本並稱為金庸筆下四大內功秘籍....
葵花寶典,天下武功唯快不破,玩速度首選。係男人就練佢啦
左右互搏,俗D講即係雙倍攻擊,訣竅係「分心二用」
小龍女於全真教大戰時就用左「左右互搏」版本既「玉女素心劍法」,本來係要同楊過一齊用....
獨孤九劍,號稱破絕天下所有武功,但係東方不敗練左葵花寶典,就算令孤沖見到個破綻都打唔到佢...
北冥神功,吸人內力既霸道內功心法,練齊哂D穴道位之後,可以同人接觸就吸鬼哂佢D內力~
黯然銷魂掌,集天下五絕及其他武林高手的絕世武學，包括「中神通」王重陽的全真教內功和九陰真經、「東邪」黃藥師的彈指神通和玉簫劍法、「西毒」歐陽峰的蛤蟆功和逆轉經脈、「北丐」洪七公的打狗棒法，以及林朝英的玉女心經而成。
六脈神劍,係以一陽指既指力加上渾厚內力化作劍氣。
六脈係十二經脈其中六脈,分別係6隻手指...
右手拇指(少商劍),右手食指(商陽劍),右手中指(中衝劍),右手無名指(關衝劍),右手尾指(少衝劍),左手尾指(少澤劍).....
簡單D講,即係古代手槍~

最多可選3項~

你好煩

我會學9陽加內力底 再學銷魂掌 再學埋要強大內力既六脈神經- -

～蛇仔～

我會學9陽加內力底 再學銷魂掌 再學埋要強大內力既六脈神經- -
你好煩 發表於 6-6-2010 21:38

你就神經,神劍呀= =

你好煩

打錯囉 人總有一次打錯字既

～蛇仔～

黯然銷魂掌要有楊過當時個種痛先可以發揮到佢既威力,就係因為咁所以我冇揀到= =
六脈神劍亦都要有深厚既內力先可以用一陽指功力化為劍氣,所以我揀左北冥神功來幫佢....
至於易筋經,唔需要講太多,化腐朽為神奇....

kiki0556

最想學都係凌波微步~
如果可以好似楚留香咁就好, 踏月留香, 來去自如-v-

☆▂鋒＊仔〃

易筋經  同埋 獨狐九劍    ^^

你好煩

北冥神功有可能會比內力高過你既人吸番你d內力走

R.YcH

九陽+六脈+九劍

話哂唔夠內力都可以用九劍打...

Poon

九陰真經
獨孤九劍
黯然銷魂掌